Русҳо барои иҷрои тарҳҳо дар Ӯзбекистон 2,2 миллиард доллар сармоягузорӣ мекунанд

Дар Тошканд Намоишгоҳи байналмилалии «ИННОПРOM. Ҳафтаи калони саноатӣ дар Ӯзбекистон» ба поён расид.

Дар тӯли се рӯз, дар намоишгоҳ зиёда аз 10 ҳазор меҳмонон иштирок карданд, дар бораи оғози татбиқи 33 лоиҳа бо ҷалби сармояи Русия ба маблағи 2,2 миллиард доллар созиш ба даст омад. Ғайр аз ин, байни шарикони Русия ва Узбекистон 21 созишнома ба маблағи 128 миллион доллар ба имзо расид, менависад Podrobno.uz.

«Тошканд ҳамчун макони баргузорӣ тасодуфан интихоб нашудааст. Ӯзбекистон тадриҷан имкониятҳои ҳамкориро бо кишварҳои шарик васеъ мекунад. Ҷумҳурӣ қонунгузории андоз, гумрук ва асъорро либерализатсия мекунад, минтақаҳои озоди иқтисодӣ ва стратегияҳои соҳавии рушдро нав мекунад. Мо аз тарафи худ ба ҳамкории васеъи ошкорӣ бо шарикони ӯзбек ҳаракат мекунем», — қайд кард вазири саноат ва савдои Русия Денис Мантуров.

Дар намоиш ва барномаи тиҷорӣ беш аз 1000 ширкат аз ҷониби Узбекистон ширкат карданд.

«Шарикии иқтисодии Ӯзбекистон ва Русия метавонад хеле васеътар бошад ва дар заминаи ҳамдигарфаҳмӣ ва ҳамкориҳои муассир рушд кунад. Самтҳои зиёди ҳамкорӣ бо Узбекистон вуҷуд доранд», — гуфт Сардор Умурзоқов.

Намоишгоҳ аз ҷониби Вазорати саноат ва савдои Федератсияи Русия ва Вазорати сармоягузорӣ ва савдои хориҷии Ӯзбекистон ташкил карда шудааст.

Дар намоишгоҳ ва барномаи тиҷорӣ дар баробари Русия ва Ӯзбекистон ширкатҳо ва ҳайатҳои тиҷорӣ аз Арманистон, Беларуссия, Олмон, Қазоқистон, Қирғизистон, Фаронса, Ҷумҳурии Чехия, Ҷопон ширкат варзиданд.

Русҳо барои иҷрои тарҳҳо дар Ӯзбекистон 2,2 миллиард доллар сармоягузорӣ мекунанд

Сафорати Русия дар Тоҷикистон қабули мусофиронро ба парвозҳо ба Русия шарҳ дод

Мо дар Telegram