Муовини вазири тандурустии Тоҷикистон аз вазифа сабукдӯш шуд

 Дирӯз, 31 март, президенти Тоҷикистон Эмомалӣ Раҳмон як қатор тағйироти кадрӣ анҷом дод.

Аз ҷумла, тибқи як қарори ҳукумат, ки Эмомалӣ Раҳмон онро имзо кардааст, Самариддин Ализода аз вазифаи муовини вазири тандурустӣ ва ҳифзи иҷтимоии аҳолии Ҷумҳурии Тоҷикистон озод карда шуд.

Сабаби ин тасмимро ифшо накардаанд ва то ҳол дар бораи кӣ ба ин вазифа таъин шудан маълумоте нест.

Ғайр аз он, бо фармони Президент ду судя аз вазифа сабукдӯш карда шуданд: Зоирзода Мутабар Яздонӣ (Суди шаҳри Панҷакент) бо сабаби расидан ба синну соли мансабӣ ва Раҳматзода Тоҷиддин Раҳмат (Суди Вилояти Мухтори Кӯҳистони Бадахшон).

Мо дар Telegram