Донишҷӯи Тоҷикистонӣ дар як мусобиқаи байналмилалии муҳорибавӣӣ дар Маскав пирӯз шуд

Дар охири моҳи январ дар Москва мусобиқаи IX кушодаи байналмилалии грэпплинг MOSCOW BATTLE баргузор шуд. Грэпплинг як навъи ҷавони санъати муҳориба мебошад, ки намудҳои гуногуни техникаро дар бар мегирад. Мусобиқаи MOSCOW BATTLE барои оммавигардонии ин мубориза баргузор мешавад.

Донишҷӯи курси 2-юми Донишгоҳи давлатии техникии Улянов Амир Тоирбекзода дар бахши NO GI ғолиб омада, дар Ҷиу-Ҷитсуи Бразилия камарбанд гирифт, хабар медиҳад Портали якуми Уляновск. 

Дар ин мусобиқа имсол шумораи рекордии варзишгарон ширкат варзид. 500 паҳлавон дар категорияҳои гуногун барои пирӯзӣ мубориза бурданд. Амир гуфт, ки ба задухӯрдҳо дар Маскав омодагӣ мебинад ва инчунин нақша дорад, ки дар Ҷоми Русия ширкат варзад. 

«Мусобиқа ҷиддӣ буд ва рақибон низ сазовори он буданд. Рақиби охирин барои ман қавитарин шуд ва ман хеле шодам, ки тавонистам дар байни чунин муборизони қавӣ ғолиб оям. Ман фикр мекунам, ки мо бояд минбаъд низ ба пеш ҳаракат кунем, ва дар як ҷо наистем. Чунки маро мусобиқаи Ҷоми Русия, ки дар Уляновск баргузор мешавад интизораст», — шарҳ дод варзишгар. 

Амир қаҳрамони Ҷумҳурии Тоҷикистон оид ба кудо дар соли 2016, дар ММА ва ду маротиба дар намуди панкратион дар солҳои 2017-2018, чемпиони шаҳри Душанбе оид ба бокс дар соли 2018 ва қаҳрамони Осиё оид ба самбои муҳориба дар соли 2019 мебошад. Инчунин, варзишгар дар Фестивали 1-уми ҷаҳонии ҳунарҳои размии TAFISA, Бозиҳои Умумирусиягии донишҷӯён дар Қазон ширкат варзида, дар номинатсияи «Варзишгари сол» дар Ҷоизаи миллии Тоҷикистон «Донишҷӯи сол — 2020» ғолиб гардид.

Донишҷӯи Тоҷикистонӣ дар як мусобиқаи байналмилалии муҳорибавӣӣ дар Маскав пирӯз шуд

Беҳтарин донишҷӯёни тоҷик дар Маскав мукофотонида шуданд

Мо дар Telegram