Дар Теннеси (ИМА) як ҳодисаи комилан даҳшатнок рӯй дод. Модари ҷавоне бо номи Бритни Смит, пас аз талоқ бо шавҳараш, бо муҳаббати наваш шинос шуд.
Вай бо шавҳари нави маъмулии худ дар хонаи хушдоманаш Ҷенифер Вон зиндагӣ мекард, ки баъзан ба ӯ дар нигоҳубини духтари 2-солааш Кайлей аз издивоҷи аввалаш кумак мекард.
Он рӯз низ ҳамин тавр буд, вақте ки Бритни ба кор рафт, тифлро ба дасти хушдомани 53-солааш гузошт.
Пас аз чанд вақт, Ҷенифер ба келини худ занг зада, талаб кард, ки фавран ба хона баргардад. Бритни вақте ки садои доду фарёди ваҳшиёна ва гиряи духтарашро дар телефон шунид, сахт ба ташвиш афтод.
Вақте ки модари духтар ба хона расид, аз он чизе ки дида буд, дар ҳайрат афтод. Пойҳои Кайлей сурх ва варамида буданд, гӯё ҷӯробҳои ғафс пӯшонида шудаанд.
Духтари гирёнро фавран ба беморхона бурданд ва табибон ба ӯ ёрии аввалияи тиббӣ расониданд.
Ҷенифер Вон ҳодисаро бо беназорат гузоштани тифл шарҳ дод ва гӯё вай худаш ба ҳаммом даромада, пойҳояшро бо оби гарм сӯзонд.
Кормандони полис ба Ҷенифер бовар накарданд ва ӯ пасон иқрор шуд, ки маҳз ӯ пойҳои Кайлейро аз сабаби гӯш накардани гапаш, ба оби ҷӯшон тар кардааст.
«Ман як рӯзи даҳшатнокро аз сар гузаронидам ва рафтори ӯ маро ба ғазаб овард», — Бритни амали худро чунин шарҳ дод.
Дар айни замон, Кайлей ҳанӯз дар беморхона аст ва вазъи ӯ нигарониҳои ҷиддиро ба бор меорад. Пас аз ду амали ҷарроҳӣ пӯсти пойҳо бад барқарор шуда истодаанд.
Табибон аз рушди сироят метарсанд, ки метавонад ба буридани ҳарду пои духтар оварда расонад.
Ҷенифер Вон боздошт ва ба иттиҳоми бадрафторӣ алайҳи кӯдак айбдор карда шуд, ки ӯро барои ин аз 15 то 60 соли зиндон таҳдид мекунад.
